ພິທີວາງສີລາລຶກໂຄງການ

ໃນຕອນເຊົ້າຂອງ ວັນທີ 26 ກຸມພາ 2025 ທ່ານ ນ. ແວວມະນີ ເທບພະວົງ ຮອງຫົວໜ້າກົມພັດທະນາຊົນນະບົດ ກະຊວງກະສິກຳ ແລະ ປ່າໄມ້ ຕາງໜ້າ ກົມພັດທະນາຊົນນະບົດ ເຂົ້າຮ່ວມພິທີວາງສີລາລຶກ ໂຄງການພັດທະນາຊົນນະບົດແບບປະສົມປະສານ ຢູ່ 3 ແຂວງພາກໃຕ້ຂອງ ສປປ ລາວ ທີ່ ເມືອງປາກຊ່ອງ ແຂວງຈຳປາສັກ, ຈຸດປະສົງເພື່ອຈັດຕັ້ງປະຕິບັດໂຄງການກໍ່ສ້າງສູນຝຶກອົບຮົມກະສິກຳພາກໃຕ້ ພາຍໃຕ້ການຊ່ວຍເຫຼືອ ຂອງປະເທດ ສປ ເກົາຫຼີ ໂດຍຜ່ານອົງການ ກອຍກ້າ ປະຈຳລາວ (KOIKA). ພິທີດັ່ງກ່າວ ມີບັນດາທ່ານຈາກພາກສ່ວນທີ່ກ່ຽວຂ້ອງຂັ້ນສູນກາງ ແລະ ທ້ອງຖິ່ນ, ຕາງໜ້າສະຖານທູດເກົາຫຼີປະຈຳ ສປປ ລາວ, ຜູ້ປະສານງານໂຄງການຝ່າຍເກົາຫຼີ, ຄະນະກຳມະການປະສານງານໂຄງການຝ່າຍລັດ ແລະ ແຂກທີ່ຖືກເຊີນເຂົ້າຮ່ວມ.