ກອງປະຊຸມການໂອ້ລົມສົນທະນາລະດັບສູງ

ກອງປະຊຸມ ການໂອ້ລົມສົນທະນາລະດັບສູງ ກ່ຽວກັບການເພີ່ມທະວີການປະກອບສ່ວນ ລະຫວ່າງ ວິໄສທັດປະຊາຄົມອາຊຽນ 2025 ແລະ ວາລະຂອງສະຫະປະຊາຊາດ 2030 ເພື່ອການພັດທະນາແບບຍືນຍົງ ຄັ້ງທີ 8 (HLBD) ແລະ ເວທີປາໄສອາຊຽນ 2024 ກ່ຽວກັບ SDGs ກັບອົງການແຜນການພັດທະນາແຫ່ງຊາດ (NDPAs) "ເບິ່ງໄປຂ້າງຫນ້າ: ການປັບປຸງບູລິມະສິດ ແລະ ການປະຕິບັດເພື່ອບັນລຸ SDGs" ໃນໄລຍະວັນທີ 31 ຕຸລາ  ຫາ 01 ພະຈິກ 2024 ທີ່ ບາງກອກ ປະເທດໄທ

ຈຸດປະສົງການເຂົ້າຮ່ວມກອງປະຊຸມຄັ້ງນີ້

• ເພື່ອເຂົ້າ​ສົນ​ທະ​ນາ​ ແລະ ເເລກປ່ຽນຄໍາເຫັນ ​ກ່ຽວ​ກັບ​ການ​ເພີ່ມ​ທະ​ວີ​ການ​ປະ​ກອບ​ສ່ວນລະຫວ່າງວິໄສທັດປະຊາຄົມອາຊຽນ 2025 ແລະ ວາລະຂອງສະຫະປະຊາຊາດ 2030 ເພື່ອການພັດທະນາແບບຍືນຍົງ ຄັ້ງທີ 8 (HLBD);
• ເເລກປ່ຽນວິໄສທັດຂອງ ສປປ ລາວ ໃນເວທີປາໄສອາຊຽນ 2024 ກ່ຽວກັບ SDGs ກັບອົງການແຜນການພັດທະນາແຫ່ງຊາດ (NDPAs) "ເບິ່ງໄປຂ້າງຫນ້າ: ການປັບປຸງບູລິມະສິດ ແລະ ການປະຕິບັດເພື່ອບັນລຸ SDGs.
  
  ເນື້ອໃນກອງປະຊຸມ:
• ກອງປະຊຸມດັ່ງກ່າວໄດ້ຈັດຂຶ້ນໂດຍກະຊວງການຕ່າງປະເທດ ຂອງ ໄທ ຊຶ່ງມີບັນດາເຈົ້າໜ້າທີ່ອາວຸໂສພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ ເປັນເຈົ້າພາບຮ່ວມກັບອົງການສະຫະປະຊາຊາດ ເສດຖະກິດ ແລະ ສັງຄົມ ເເຫ່ງອາຊີປາຊີຟິກ (UNESCAP) ຊຶ່ງມີຕາງໜ້າອົງການແຜນການຂອງບັນດາປະເທດອາຊຽນ, ຕາງໜ້າກະຊວງການຕ່າງປະເທດ ບັນດາປະເທດອາຊຽນ, ບັນດາຜູ້ຮ່ວມພັດທະນາປະຈຳປະເທດໄທ ເຂົ້າຮ່ວມທັງໝົດ 80​ ທ່ານ ຊຶ່ງໄດ້ໄດ້ຮັບກຽດເຂົ້າຮ່ວມເປັນທານຂອງ ທ່ານ ມາລິດ ສະງ່ຽມພົງ ລັດຖະມົນຕີກະຊວງການຕ່າງປະເທດ ໄທ, ທ່ານ ຮອງເລຂາທິການອົງການ UNESCAP ແລະ ທ່ານ ເລຂາທີການໃຫຍ່ອາຊຽນ ໄດ້ມີຄຳເຫັນຜ່ານທາງວີດີໂອ. 
• ທ່ານ Hirohito Toda  ຮອງເລຂາທິການບໍລິຫານການຮ່ວມມື ແລະການປະສານງານ, UNESCAP ກໍໄດ້ທົບທວນຄືນຄວາມຄືບໜ້າໃນການຈັດຕັ້ງປະຕິບັດຂໍ້ລິເລີ່ມໃຫ້ສົມບູນແບບ ແລະ ກໍໄດ້ລາຍງານຄວາມຄືບໜ້າຂອງການລິເລີ່ມການເສີມສ້າງ ອົງປະກອບຫຼັກຂອງການລິເລີ່ມການເສີມສ້າງ 2.0 ໃນຄວາມສະຫວ່າງທີ່ຈະມາເຖິງວິໄສທັດອາຊຽນ 2045 ໃນການສ້າງ “ອາຊຽນສີຂຽວ” (ASEAN Vision 2045 in building a “Green ASEAN);
   

ບົດຮຽນທີ່ຖອດຖອນໄດ້ ແລະ ແຜນການຕໍ່ໜ້າ:

• ໃນການເຂົ້າຮ່ວມກອງປະຊຸມ ແລະ ເວທີປຶກສາຫາລື ໃນຄັ້ງນີ້ ແມ່ນຖືວ່າໄດ້ຮັບຜົນສຳເລັດຢ່າງຈົບງາມຕາມຄາດໝາຍທີ່ວ່າງໄວ້ ແລະ ປະເທດເຈົ້າພາບກໍຄືຄະນະຈັດຕັ້ງກອງປະຊຸມແມ່ນໄດ້ຕ້ອນຮັບຢ່າງອົບອຸ່ນ. ພ້ອມດຽວກັນ ການເຂົ້າຮ່ວມກອງປະຊຸມຄັ້ງນີ້ ແມ່ນມີຄວາມສໍາຄັນຫຼາຍ ໃນຂອບການຮ່ວມມືໃນວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ ຂອງອາຊຽນ, ວຽກແຜນການ, ໂດຍສະເພາະເເມ່ນພ້ອມກັນຈັດຕັ້ງປະຕິບັດເປົ້າໝາຍການພັດທະນາເເບບຍືນຍົງໃຫ້ບັນລຸຕາມຄາດໝາຍໃນປີ 2030 ໂດຍບໍ່ປະຖິ້ມໃຜໄວ້ທາງຫຼັງ (Leave no one behind).
• ກົມພັດທະນາຊົນນະບົດ ໃນນາມເປັນຈຸດປະສານງານວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ ຈະຕ້ອງສືບຕໍ່ ພົວພັນ ປະສານສົມທົບບັນດາປະເທດອາຊຽນ, ອົງການຈັດຕັ້ງສາກົນ, ຄູ່ຮ່ວມພັດທະນາ ແລະ ກອງເລຂາອາຊຽນ, ອົງການຈັດຕັ້ງສັງຄົມ ເພື່ອຍາດເເຍ່ງການຝຶກອົບຮົມສ້າງຄວາມເຂັ້ມເເຂງໃຫ້ ສປປ ລາວ ແລະ  ໃນການຈັດຕັ້ງປະຕິບັດເເຜນວຽກພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ ຕາມຂອບການຮ່ວມມືອາຊຽນ ໄປພ້ອມໆກັບການຈັດຕັ້ງປະຕິບັດ SDGs.